Аддзяленне гандбола адкрылі ў Астраўцы
- Подробности
- Автор: Super User
- Просмотров: 304
Віншаванні ад прадстаўнікоў раённай улады і ганаровых гасцей, танцавальныя нумары, насычачая гульня і забаўляльная праграма – у САК «Імпульс» прайшло ўрачыстае адкрыццё аддзялення гандбола Астравецкай спецыялізаванай дзіцяча-юнацкай школы алімпійскага рэзерву.
– Развіццё спорту – залог здароўя нацыі, а значыць моцнай, квітнеючай краіны, – адзначыў старшыня Астравецкага райвыканкама Ігар Шалудзін. – Больш за 300 юных спартсменаў трэніруюцца ў нашай спецыялізаванай дзіцяча-юнацкай школе алімпійскага рэзерву і дасягаюць добрых вынікаў на разнастайных спаборніцтвах. Сённяшні дзень дае старт новаму спартыўнаму накірунку на Астравеччыне – развіццю гандбола. Я ўпэўнены, што ён не проста прыжывецца ў нашым раёне, але хутка прывядзе да добрых вынікаў і пакарэння новых вяршынь.
Да віншаванняў далучыліся старшыня Ашмянскага райвыканкама Уладзіслаў Гершгорын і намеснік старшыні Беларускай федэрацыі гандбола, чэмпіён гульняў ХХV Алімпіяды ў Барселоне 1992 года ў Іспаніі ў складзе аб’яднанай каманды СНД Андрэй Барбашынскі.
– Я віншую нас усіх з адкрыццём у вашым горадзе аддзялення гандбола і выказваю падзяку раённым і абласным органам улады за такую магчымасць, – сказаў Андрэй Станіслававіч. – Спадзяюся, што хутка ў гэтага віда спорту з’явіцца шмат прыхільнікаў і на Астравеччыне вырастуць новыя алімпійскія чэмпіёны.
Больш падрабязна аб мерапрыемстве чытайце ў адным з нумараў і на сайце «АП».
Поиск
RSS новости tut.by
Посетители:
Сейчас 6 гостей и ни одного зарегистрированного пользователя на сайте