Астраўчанін дабыў “золата” дзідай
- Подробности
- Автор: Super User
- Просмотров: 994
Дырэктар Астравецкай спецыялізаванай дзіцяча-юнацкай школы алімпійскага рэзерву Дзмітрый Сакалоўскі стаў пераможцам у кіданні дзіды на рэспубліканскай спартакіядзе работнікаў фізічнай культуры, спорту і турызму сярод кіраўнічага звяна.
Спаборніцтвы праходзілі ў рэспубліканскім цэнтры алімпійскай падрыхтоўкі “Стайкі”, дзе каманды з усіх абласцей дэманстравалі майстэрства ў розных відах спорту. У складзе зборнай Гродзеншчыны выступалі і нашы землякі. Загадчык сектара спорту і турызму Аляксей Дварэцкі гуляў у міні-футбол, дырэктар Астравецкага фізкультурна-спартыўнага клуба Валяр’ян Валадзько – у валейбол, а намеснік дырэктара СДЮШАР Святлана Раманоўская – у стрытбол.
П’едэстал у гульнявых відах гродзенскай камандзе не скарыўся, затое астраўчане ўзялі рэванш у асабістых першынствах. У кіданні дзіды Дзмітрый Сакалоўскі прадэманстраваў вынік 38,45 метра – і заваяваў залаты медаль.
У выніку каманда нашай вобласці на спартакіядзе заняла 3-е агульнакаманднае месца.
Поиск
RSS новости tut.by
Посетители:
Сейчас 8 гостей и ни одного зарегистрированного пользователя на сайте